Monday, 6 May 2019

ఏపీలో ప్రైవేటు బస్సు బోల్తా.... 30 మందికి గాయాలు

  • కృష్ణా జిల్లాలో రమణ ట్రావెల్స్ బస్సు బోల్తా
  • 30 మందికి గాయాలు.. ముగ్గురి చిన్నారుల పరిస్థితి విషమం
  • అతివేగం వల్లే ప్రమాదం జరిగిందంటున్న ప్రయాణికులు

నిజామాబాద్‌‌ వార్త: విజయవాడ-హైదరాబాద్ జాతీయ రహదారిపై ఓ ప్రైవేటు బస్సు అదుపుతప్పి బోల్తా పడిన ఘట నలో 30 మంది ప్రయాణికులు తీవ్రంగా గాయపడ్డారు. తూర్పుగోదావరి జిల్లాకు ఆనుకుని ఉన్న కేంద్ర పాలిత ప్రాంతమైన యానాం నుంచి హైదరాబాద్‌కు రమణ ట్రావెల్స్‌కు చెందిన బస్సు ఆదివారం రాత్రి బయలుదేరింది. అర్ధరాత్రి కృష్ణా జిల్లా పెనుగంచిప్రోలు మండలం నవాబుపేట వద్దకు రాగానే బస్సు అదుపుతప్పి రోడ్డుపైనే బోల్తా పడింది.
ఈ ఘటనలో 30 మంది ప్రయాణికులు గాయపడ్డారు. క్షతగాత్రుల్లో 10 మంది చిన్నారులున్నారు. వీరందరిని చికిత్స నిమిత్తం సమీపంలోని ఆస్పత్రికి తరలించారు. వీరిలో ముగ్గురి చిన్నారుల పరిస్థితి విషమంగా ఉండటంతో మెరుగైన వైద్యం కోసం విజయవాడ తరలించారు.

 రమణ ట్రావెల్స్ బస్సు బోల్తా

డ్రైవర్ అతివేగంగా బస్సు నడపడం వల్లనే ప్రమాదం జరిగినట్లు ప్రయాణికులు చెబుతున్నారు. డ్రైవర్ క్యాబిన్‌లో ఇరుక్కుపోవడంతో అతడిని బయటకు తీసేందుకు పోలీసులు చాలాసేపు శ్రమించారు. ఈ ఘటనపై పెనుగంచిప్రోలు పోలీసులు కేసు నమోదు చేసుకుని దర్యాప్తు చేపట్టారు. ఈ ప్రమాదంలో జాతీయ రహదారిపై కాసేపు ట్రాఫిక్ నిలిచిపోయింది. 

No comments:

Post a Comment