Wednesday, 3 April 2019

బిసి కులాల ఐక్యవేదిక బహిరంగ సభను జయప్రదం చేయాలి

 బీసీ కులాల ఐక్యవేదిక ఆధ్వర్యంలో నేడు నగరంలోని భూమారెడ్డి కన్వెన్షన్ హాల్లో ఏర్పాటు చేసిన సభకు గంగపుత్రుల సోదర సోదరీమణులు అందరూ అధిక సంఖ్యలో పాల్గొని  కార్యక్రమాన్ని విజయవంతం చేయాలని గంగపుత్ర సంఘం నగర అధ్యక్షులు పల్లికొండ అన్నయ్య అన్నారు.   జిల్లా కేంద్రంలోని ప్రెస్‌‌క్లబ్‌‌లో ఆయన మీడియాతో మాట్లాడారు.  గంగపుత్రులను టిఆర్ఎస్ ప్రభుత్వం అన్ని విధాలుగా ఆదుకొని ఉచిత చేప పిల్లలు, మోటార్ సైకిల్ వాహనాలు అదేవిధంగా  కుల వృత్తి చేసుకునే అన్ని వసతులు కల్పించారన్నారు. జిల్లాలో ఉన్న గంగపుత్రులు అన్ని సంఘాలు కల్వకుంట్ల కవితకు సంపూర్ణ మద్దతు ఇచ్చి భారీ మెజారిటీతో గెలిపించుకుంటామన్నారు. జిల్లా నలుమూలల నుండి గంగపుత్రులు పెద్ద ఎత్తున సభలో పాల్గొని విజయవంతం చేయాలని కోరారు.. ఈ కార్యక్రమంలో గంగపుత్రుల సంఘం నగర ప్రధాన కార్యదర్శి మాకు రవి, గంగపుత్ర సంఘం అధ్యక్షులు మంజుల గంగాధర్, గాజులపేట సంఘం పాముల లక్ష్మణ్, ఎల్లమ్మ గుట్ట సంఘం కన్నం లక్ష్మణ్, వినాయక నగర్ సంఘం శంకర్,  కంటేశ్వర్ సంఘం అబ్బయ్య, గంగస్థాన్‌‌ సంఘం దాస్, రాము,  మల్లన్న, నరేష్, కృష్ణ ప్రసాద్,   శ్రీనివాస్ తదితరులు పాల్గొన్నారు.

విలేకరుల సమావేశంలో మాట్లాడుతున్న  పల్లికొండ అన్నయ్య

No comments:

Post a Comment