Tuesday, 2 April 2019

ఎంపీ క‌విత‌కు పలు సంఘాల మద్దతు

నిజామాబాద్‌‌ అర్బన్‌‌, వెలుగు:  నిజామాబాద్ ఎంపీ  క‌విత‌కు తెలంగాణ బీడి టేకేదారుల సంక్షేమ సంఘం, తెలంగాణ రాష్ట్ర బీడి వ‌ర్కర్స్‌‌ యూనియ‌న్  మద్దతు ప్రకటించాయి.  మంగ‌ళ‌వారం నిజామాబాద్‌లోని ఎంపీ ఆఫీస్‌‌లో జ‌రిగిన కార్యక్రమంలో  సంఘాల నేత‌లు  ఎంపీ క‌విత‌ను క‌లిసి మ‌ద్దతు తెలిపారు. బీడి టేకేదారుల సంఘం రాష్ట్ర  గౌర‌వ అధ్యక్షుడు రూప్ సింగ్‌ మాట్లాడుతూ బీడీని  ప‌రిశ్రమగా గుర్తించి.. రాష్ట్రంలోని 4 ల‌క్షల మందికి  పెన్షన్‌‌ను ఇస్తున్న కేసీఆర్ దేవుడ‌న్నారు.  నిజామాబాద్ పార్లమెంట్ ప‌రిధిలోని మూడు వేల మంది టేకేదారులు, 2 ల‌క్షల మంది బీడి కార్మికులు  కారు గుర్తుకు ఓటేసి ఎంపీగా క‌విత‌ను మ‌ళ్లీ  గెలిపించాల‌ని తీర్మాణాలు చేసిన‌ట్లు ఆయ‌న చెప్పారు. తీర్మాణం కాపీని ఎంపీ క‌విత‌కు అంద‌జేశారు. ఎన్నిక‌ల ప్రచారం ఖ‌ర్చుల కోసం ఎంపీ క‌విత‌కు సంఘం త‌రఫున రూ.50 వేల చెక్కును అంద‌జేశారు. ఈ కార్యక్రమంలో బోద‌న్ ఎమ్మెల్యే ష‌కీల్ ఆమిర్‌, తెలంగాణ బీడి టేకేదారుల సంక్షేమ సంఘం రాష్ట్ర అధ్యక్షుడు దుంప‌ల స‌త్యనారాయ‌ణ‌, జిల్లా అధ్యక్షులు వేముల ల‌క్ష్మణ్‌,  తెలంగాణ బీడి వ‌ర్కర్స్ యూనియ‌న్ రాష్ట్ర అధ్యక్షురాలు కె. సుమ‌, ప్రధాన కార్యద‌ర్శి ఎం.డి షాహెదా,   సంఘం నాయ‌కురాలు విజ‌య‌ల‌క్ష్మితో పాటు ప‌లువురు నాయ‌కులు  పాల్గొన్నారు.

మ‌ద్ధతు తెలిపిన క‌మ్మ సంఘం..
నిజామాబాద్ ఎంపి క‌ల్వకుంట్ల కవిత‌కు నందిపేట్ మండ‌లం ఆంధ్రాన‌గ‌ర్ క‌మ్మ సంఘం మ‌ద్ధతు తెలిపింది. అలాగే ప‌లు ఇతర సంఘాలు కూడా మ‌ద్ధతు తెలిపాయి. మంగ‌ళ‌వారం నిజామాబాద్ లోని ఎంపి కార్యాల‌యంలో ఎంపిని క‌ల‌సిన సంఘం నేత‌లు సంఘం చేసిన తీర్మాణాల ప్రతుల‌ను ఆమెకు అంద‌జేశారు. ఎంపి క‌విత‌ను మ‌ళ్లీ  భారీ మెజారిటీతో గెలిపించుకుంటామ‌న్నారు. తెలంగాణ రాష్ట్ర నాయీ బ్రాహ్మణ ఐక్య వేదిక‌, నిజామాబాద్ ప‌ట్టణ గోసంగి కుల సంక్షేమ సంఘం, పాముల బ‌స్తీ మాల సంక్షేమ సంఘం, క‌మ్మ సేవా స‌మితి ఆంధ్రా న‌గ‌ర్‌, బీడీ టేకేదారుల సంక్షేమ సంఘం  ఎంపి క‌విత‌కు మ‌ద్ధతు తెలిపాయి.


ఎంపీ కవితకు మద్దతు తెలుపుతున్న బీడీ టేకేదారుల సంక్షేమ సంఘం సభ్యలు

మద్దతు తీర్మాణం ప్రతిని ఎంపీకి అందజేస్తున్న కమ్మ సంఘం ప్రతినిధులు


No comments:

Post a Comment