Tuesday, 2 April 2019

ఈవీఎంల చెకింగ్‌‌కు ఫంక్షన్ హాల్స్ పరిశీలన

 జిల్లాకు కొత్తగా చేరుకునే ఈవీఎంలను చెకింగ్ చేయడానికి ఫంక్షన్ హాల్‌‌లను జిల్లా కలెక్టర్ మంగళవారం పరిశీలించారు.మంగళవారం బోర్గాం వద్దగల శ్రీ విజయలక్ష్మి గార్డెన్‌‌, మాధవ నగర్ పరిధిలోగల సుగుణ గార్డెన్‌‌లను కలెక్టర్ ఎం.రామ్మోహన్‌‌రావు, సాధారణ పరిశీలకులు గౌరవ దాలియా, సీపీ కార్తికేయ, బెల్ ఇంజనీర్లు పరిశీలించారు. బుధవారం జిల్లాకు అదనంగా బ్యాలెట్ యూనిట్లు రానున్నందున వాటిని ఫస్ట్ చెకింగ్ అనంతరం కమిషనింగ్‌‌ చేయుటకు పెద్ద హాలు అవసరం ఉన్నందున వీటిని ఎంపిక చేశారు. భద్రతాపరంగా కూడా ఈ ఫంక్షన్ హాల్స్ అనుకూలంగా ఉండడంతో వీటిని ఇక్కడ భద్రపరుచుటకు నిర్ణయం తీసుకున్నారు. ప్రతి టేబుల్ వద్ద 12 బ్యాలెట్ యూనిట్లు, ఒక కంట్రోల్ యూనిట్ను, వీవీ ప్యాట్‌‌ను ఏర్పాటు చేసి చెకింగ్ చేయనున్నారు. అదే విధంగా ప్రతి వరుసలో ఒక్కొక్క నియోజకవర్గానికి ఈవీఎంలను చెకింగ్ అనంతరం అసెంబ్లీ నియోజకవర్గాల వారీగా ఇక్కడ నుండి పంపిస్తారు. వీటిని వీలైనంత త్వరగా పూర్తి చేయుటకు అవసరమైన ఇతర ఏర్పాట్లు చేయాలని కలెక్టర్ అధికారులను ఆదేశించారు.

ఫంక్షన్‌‌హాల్‌‌లను పరిశీలించిన వారిలో సంయుక్త కలెక్టర్ వెంకటేశ్వర్లు, నిజామాబాద్ డి.ఎస్.పి శ్రీనివాస్ కుమార్‌‌, తహసీల్దార్లు, కలెక్టరేట్ ఏవో శ్రీధర్ తదితరులు పాల్గొన్నారు.

ఫంక్షన్‌‌ హాల్‌‌ను పరిశీలిస్తున్న కలెక్టర్ ఎం.రామ్మోహన్‌‌రావు

No comments:

Post a Comment