Saturday, 16 March 2019

ప్రణాళికబద్దంగా పనులు పూర్తి చేసుకోవాలి


‒ ఎన్నికల ప్రధాన అధికారి రజత్ కుమార్

  సోమవారం నుండి నామినేషన్ల ప్రక్రియ ప్రారంభం కానున్నందున ఎన్నికలకు సంబంధించిన రోజువారి కార్యక్రమాలను ప్రణాళికాబద్ధంగా పూర్తి చేసుకోవాలని ఎన్నికల ప్రధాన అధికారి రజత్ కుమార్ జిల్లా కలెక్టర్లను ఆదేశించారు.

శనివారం హైదరాబాద్ నుండి వీడియో కాన్ఫరెన్స్ ద్వారా ఆయన కలెక్టర్లతో మాట్లాడారు. జిల్లా ఎన్నికల మేనేజ్‌‌మెంట్ ప్లాన్ సిద్ధం చేసుకోవాలని, ఈనెల 28 నుండి ఫోటో తో కూడిన ఓటర్ స్లిప్పులను పంపిణీ చేయడం ప్రారంభించాలన్నారు. 21, 23, 24 తేదీలలో లో నెగోషియబుల్ ఇన్‌‌స్ట్రుమెంటల్ యాక్ట్ ప్రకారం నామినేషన్ల స్వీకరణ ఉండదన్నారు. ఓటర్ల జాబితా మదర్ రోల్, బ్యాలెట్ పేపర్లు పంపిస్తామని, వాటిని ఆయా జిల్లాల్లోనే ముద్రించుకోవాలని తెలిపారు. ఈవీఎంల పనితీరును సరిచూసుకొని సిద్ధంగా ఉంచుకోవాలన్నారు. నామినేషన్ల స్వీకరణకు అవసరమైన ఏర్పాట్లు చేసుకోవాలన్నారు. అదేవిధంగా ఇతర కార్యక్రమాలను కూడా పూర్తి చేసుకోవాలని తెలిపారు.

వీసీ లో జిల్లా కలెక్టర్ ఎం.రామ్మోహన్‌‌ రావు మాట్లాడుతూ అన్ని ఏర్పాట్లు చేసుకొని సిద్ధంగా ఉన్నామని, 18వ తేదీ నుండి నామినేషన్ల స్వీకరణకు అవసరమైన ఏర్పాట్లు చేసుకున్నామన్నారు. ఈ వీసీలో సంయుక్త కలెక్టర్ వెంకటేశ్వర్లు, జిల్లా రెవెన్యూ అధికారి అంజయ్య తదితరులు పాల్గొన్నారు.

వీడియో కాన్ఫరెన్స్‌‌లో పాల్గొన్న కలెక్టర్‌‌ ఎం.రామ్మోహన్‌‌రావు

వీసీలో మాట్లాడుతున్న ఎన్నికల ప్రధాన అధికారి రజత్‌‌కుమార్‌‌


No comments:

Post a Comment