Thursday, 21 March 2019

పిల్లలతో హోలీ జరుపుకోవడం సంతోషం-



‒ కలెక్టర్ ఎం.రామ్మోహన్‌‌రావు

అనాధ పిల్లలతో హోలీ పండుగ సందర్భంగా రంగులు చల్లుకోవడం సంతోషంగా ఉందని జిల్లా కలెక్టర్ ఎం రామ్మోహన్‌‌ రావు తెలిపారు. ఆయన గురువారం హోలీ పండుగ సందర్భంగా డిచ్‌‌పల్లిలోని మానవతా సదన్‌‌కు సతీ సమేతంగా హాజరయ్యారు. పిల్లలతో రంగులు చల్లించుకొని వారికి కూడా కలెక్టర్ దంపతులు రంగులు పోశారు. పిల్లలకు పండ్లు, మిఠాయిలు పంచిపెట్టారు. కొంత సమయం వారితో ఆహ్లాద వాతావరణంలో గడిపారు. వారితో ముచ్చటించారు. ఈ సందర్భంగా కలెక్టర్‌‌ మాట్లాడుతూ పిల్లలు దేవుడితో సమానం అంటారు.. ఎటువంటి కల్మషం లేకుండా వారి మనసులు స్వచ్ఛంగా ఉంటాయన్నారు. వారితో ఎంతసేపు గడిపినా ఆనందంగా ఉంటుంది అన్నారు . వారితో గడపడం వల్ల అన్నీ మరిచిపోయి ప్రశాంతత పొందడం జరిగిందన్నారు. ఈ సందర్భంగా ప్రజలకు, పిల్లలకు, పెద్దలకు అందరికీ ఆయన హోలీ శుభాకాంక్షలు తెలిపారు . సంతోష వాతావరణంలో ఇంకొకరికి ఇబ్బంది కలగకుండా, రసాయనాలు కలవని రంగులతో హోలీ నిర్వహించుకోవాలని ఆయన ప్రజలను కోరారు. కలెక్టర్ వెంట సుధాకర్ రావు, మానవ సదన్ ఇంచార్జ్, పిల్లలు, తదితరులు పాల్గొన్నారు.




No comments:

Post a Comment