Saturday, 16 March 2019

అనుమతులు లేకుండా సెక్యూరిటీ ఏజెన్సీలు నడపొద్దు

‒ నిజామాబాద్‌‌ పోలీస్‌‌ కమిషనర్‌‌ కార్తికేయ

నిజామాబాద్‌‌ అర్బన్‌‌, వెలుగు: ప్రైవేటు సెక్యూరిటీ ఏజెన్సీ (రెగ్యులేషన్‌‌) యాక్టు‒2005 మరియు తెలంగాణ ప్రైవేటు సెక్యూరిటీ ఏజెన్సీ (రెగ్యులేషన్‌‌) రూల్స్‌‌‒2008 ప్రకారం ఎలాంటి అనుమతులు లేకుండా సెక్యూరిటీ ఏజెన్సీలు నడపరాదని నిజామాబాద్‌‌ పోలీస్‌‌ కమిషనర్‌‌ కార్తికేయ ఒక ప్రకటనలో తెలిపారు. ఎవరైనా ఇనిస్టిట్యూషన్స్‌‌, ఎస్టాబ్లిష్‌‌మెంట్లు మరియు ఆర్గనైజేషన్లు ప్రైవేటు సెక్యూరిటీ సిబ్బందిని నియమించుకోవాలనుకొంటే వారు ప్రభుత్వం నుంచి అనుమతి పొందిన సెక్యూరిటీ ఏజెన్సీ ద్వార మాత్రమే తీసుకోవాలని సూచించారు. అలా కాకుండా ఎవరైనా సెక్యూరిటీ సిబ్బందిని నియమించుకొన్నట్లయితే, వారిపై చట్ట ప్రకారం కఠిన చర్యలు తీసుకొంటామని హెచ్చరించారు. అలాగే ఏ సెక్యూరిటీ ఏజెన్సీ అయినా ప్రభుత్వం నుంచి లైసెన్స్‌‌ పొందిన తర్వాతనే సెక్యూరిటీ ఏజెన్సీని నడపవలసి ఉంటుందన్నారు. లేనియెడల వారిపై కఠిన చర్యలు తీసుకొంటామని వివరించారు.


No comments:

Post a Comment