Tuesday, 27 November 2018

అత్యంత పేద రాష్ట్రాలతో తెలంగాణను పోల్చడం బాధాకరం : ఎంపీ కవిత

నిజామాబాద్‌ వార్త : ప్రధాని మోది ఇష్టం వచ్చినట్లు మాట్లాడుతున్నారని ఎంపి కవిత మండిపడ్డారు. నిజామాబాద్‌లో అసలు అభివృద్ధే లేదని , అత్యంత పేద రాష్ట్రాల్లో కూడా ఇటువంటి పరిస్థితి ఉండదని మోది అనడం బాధాకరమని కవిత అన్నారు. మీడియా సమావేశంలో మాట్లాడుతూ..నాలుగేళ్లలో నిజామాబాద్‌ ఎంతో అభివృద్ది చెందిందని చెప్పారు. అక్కడ ఉండు పేదవారికి ప్రతినెలా 28 వేల మందికి ఆసరా పింఛన్లు ఇస్తున్నామని, అండర్‌గ్రౌండ్‌ పనులు దాదాపు పూర్తి అయ్యాయని కవిత చెప్పారు. మౌలిక సదుపాయాలు కల్పించాలంటే రోడ్లు తవ్వడం జరుగుతుంది. ఈ విషయాన్ని గుర్తించి ఎంతో ఓపికగా ఉండి సహకరిస్తున్న నిజామాబాద్‌ ప్రజలకు నా ధన్యవాదాలు. నిజామాబాద్‌ ప్రజలకు ఉన్న ఓపిక కూడా ప్రధాని మోదికి లేదని ఎంపి కవిత ఎద్దేవా చేశారు.

విలేకరుల సమావేశంలో మాట్లాడుతున్న నిజామాబాదు ఎంపీ  కవిత 

No comments:

Post a Comment