Thursday, 13 September 2018

అధికారులు బుర్ర గిర్రుమంది: విమానంలో 20 పాములు..


అధికారులు బుర్ర గిర్రుమంది: విమానంలో 20 పాములు..
ఒకటి కాదు, రెండు కాదు.. ఏకంగా 20 పాములతో విమానం ఎక్కేసిన ఆ ఘనుడు.. వాటిని ఓ దేశం నుంచి మరో దేశానికి తరలించేశాడు. అంతర్జాతీయ విమానంలో కనీసం అవకాయ తీసుకెళ్లినా.. భద్రతా అధికారులు తీసి పక్కన పడేస్తారు. అలాంటిది, జర్మనీకి చెందిన ఓ ప్రయాణికుడు ఏకంగా పాముల సంచితోనే విమానం ఎక్కాడు. భద్రతాపరంగా ఎలాంటి అటంకాలు లేకుండా దర్జాగా విమానంలో పాములను ఎల్లలు దాటించేశాడు. ఆశ్చర్యగొలిపే ఈ ఘటన రష్యాలో చోటు చేసుకుంది.
జర్మనీకి చెందిన ఓ ప్రయాణికుడు 20 పాములను చిన్న చిన్న పెట్టల్లో పెట్టి, ఓ సంచిలో సర్దుకుని డస్సల్‌డర్ఫ్‌ విమానాశ్రయం నుంచి రష్యాకు చేరుకున్నాడు. రష్యాలోని షెరెమెటివో అంతర్జాతీయ విమానాశ్రయం దిగిన తర్వాత.. అధికారులు అతడి లగేజీలో పాములు చూసి షాకయ్యారు. వెంటనే అతడిని అదుపులోకి తీసుకుని ప్రశ్నించారు. ఆ పాముల కోనుగోలుకు సంబంధించిన అన్ని పత్రాలను జర్మనీలోని భద్రతా అధికారులకు చూపించానని, పాములు బయటకు రాకుండా జాగ్రత్తలు పాటించడం వల్ల వాటిని తన వెంట తీసుకెళ్లడానికి అనుమతి ఇచ్చారని ఆ ప్రయాణికుడు సమాధానం ఇచ్చాడు.
అయితే, రష్యా విమానాల్లో పాములు, పెంపుడు జంతువులతో ప్రయాణించడం నిషేదం. ఈ నేపథ్యంలో జర్మనీ ప్రయాణికుడి నుంచి స్వాధీనం చేసుకున్న పాములను మాస్కోలోని జంతు సంరక్షణ కేంద్రానికి తరలించారు. ఆ పాములు గానీ.. ఆ సంచి నుంచి బయటకు వచ్చి ఉంటే పరిస్థితి ఎలా ఉండేదో! తలచుకుంటేనే ఒళ్లు గగూర్పాటు కలుగుతోంది కదూ!!

No comments:

Post a Comment