Thursday, 17 November 2016

మహిళ మెడలో బంగారు గొలుసు చోరీ

నవంబర్ 17, నిజామాబాదు వార్త.కామ్:

కామారెడ్డి పట్టణం కిష్టమ్మ గుడి ప్రాంతంలో నివాసం ఉండే ముదాం లలిత అనే మహిళ మెడలో నుంచి బుధవారం ఉదయం గుర్తు తెలియని ఇద్దరు వ్యక్తులు వచ్చి మూడు తులాల బంగారు గొలుసు అపహరించుకొని పారిపోయాడు. బాధితురాలు, స్థానికుల కథనం ప్రకారం.. లలిత ఉదయం 6 గంటల ప్రాంతంలో కుళాయి నీటి కోసం పైపు బిగిస్తుండగా వెనుక నుంచి వచ్చిన ఇద్దరు వ్యక్తులు ఆమె మెడను పట్టుకొని గొలుసు తెంపుకొని గుంతలోకి నెట్టి పారిపోయారు. అకస్మాత్తుగా జరిగిన ఘటనతో కంగారు పడిన మహిళ తేరుకొని అరిచే లోపే అక్కడి నుంచి వ్యక్తులు పరారయ్యారు. చుట్టు పక్కల వాళ్లు గాలించినప్పటికీ వారి ఆచూకీ దొరకలేదు. బాధిత కుటుంబం పట్టణ పోలీసులకు ఫిర్యాదు చేశారు. ఘటనా స్థలాన్ని ఎస్సై శోభన్‌బాబు సందర్శించారు. ఘటనకు సమీపంలోనే పోలీస్‌ సబ్‌కంట్రోల్‌ రూం ఉంది. గత కొంత కాలంగా పట్టణంలో స్తబ్దుగా ఉన్న గొలుసు చోరీల అపహరణ మళ్లీ చోటు చేసుకోవడం కలకలం రేపుతోంది.

No comments:

Post a Comment